Categories
જ્યોતિષશાસ્ત્ર

મહાશિવરાત્રી પાર ૧૧૭ વર્ષ પછી બની રહ્યો છે આ દુર્લભ યોગ, મહાદેવને ભૂલથી પણ ન ચઢાવશો આ વસ્તુઓ

મહાશિવરાત્રિના દિવસે શિવલિંગની પૂજા કરવાથી બધા દોષો અને ગ્રહોના દુષ્પ્રભાવથી મુક્તિ મળે છે. આ વખતની મહાશિવરાત્રિ ખુબજ ખાસ છેકારણ કે આ વખતે 117 વર્ષ પછી બન્યો આ દુર્લભ યોગ. મહાશિવરાત્રિ પર શનિ અને શુક્રનો દુર્લભ યોગ બની રહ્યો છે આ વખતે મહાશિવરાત્રિ 21 ફેબ્રુઆરી શુક્રવારે આ પાવન પર્વ ઉજવાશે. શિવની કૃપાથી માનવીના જીવનમાં સુખ અને સમૃદ્ધિની પ્રાપ્તિ થાય છે.

મહાશિવરાત્રિના દિવસ જો ભગવાન ભોલેનાથ ને પ્રસન્ન કરવા હોય તો આ બાબતોનું ખુબ ખાસ ધ્યાન રાખવું જોઈએ કે જે ભગવાન શિવને વિશેષ પસંદ હોય. મહાશિવરાત્રિના દિવસે નદીના જળથી શિવજીને અભિષેક કરવાથી અને યોગ્ય ફૂલ અર્પિત કરવાથી આસુતોષ, ઔઢરદાની, શિવ પ્રસન્ન થઈને મનોવાંચ્છિત ફળની પ્રાપ્તિ કરાવે છે.

ભોળાનાથ મહાદેવને સફેદ રંગના ફૂલ સૌથી પ્રિય છે. ભગવાન શિવની પૂજામાં ભૂલથી પણ કેતકીના ફૂલ ન ચઢાવવા જોઈએ કારણ કે આ ફૂલ મહાદેવની પૂજામાં વર્જિત છે. શિવજીએ તેનો ત્યાગ કરી દીધો છે. આ વિશેની એક પૌરાણિક કથામાં આ વિશેનો ઉલ્લેખ મળે છે.

એક વાર એવું બન્યું કે ભગવાન વિષ્ણુ અને ભગવાન બ્રહ્માજીની વચ્ચે એ વાતને લઈને વિવાદ થઈ ગયો હતો આપણા બંનેમાંથી કોણ મોટું અને કોણ નાનું. આ વાતનો નિર્ણય કરાવવા માટે તેઓ મહાદેવની પાસે ગયા. ત્યારે શિવજી એક વિરાટ શિવલિંગના સ્વરૂપે પ્રગટ થયા. તેમણે તેના અંતનો પાર પામવા માટે બંનેને કહ્યું. આથી ભગવાન વિષ્ણુ નીચે સુધી ગયા અને બ્રહ્માજી ઉપર સુધી ગયા. આમછતાં તેનો અંત કે છેડો મળ્યો નહિં. નીચે આવતી વખતે બ્રહ્માજીની નજર કેતકીના ફૂલ પર પડી. તેમણે તેને પોતાની સાથે આવવા કહ્યું.

બ્રહ્માજી અને વિષ્ણુ પરત આવ્યા. ત્યારે શિવજીએ તેમને પાર પામવા વિશે પૂછ્યું. વિષ્ણુ ભગવાને કહ્યું કે હું છેક પાતાળ લોકના અંત સુધી ગયો પણ હે શિવ, હું તમારો પાર પામી શક્યો નહિં. હવે વારી બ્રહ્માજીની હતી. તેમણે કહ્યું કે મેં તમારા અંતનો તાગ મેળવી લીધો. જો તમને વિશ્વાસ ન હોય તો આ કેતકીના ફૂલને પૂછો. ફૂલે ખોટી સાક્ષી પુરાવી. આથી અંતર્યામી એવા ભોળાનાથના ગુસ્સાનો પાર રહ્યો નહી, કારણ કે તે સત્ય જાણતા હતા.

તેઓ તત્કાળ પ્રગટ થયાં અને બ્રહ્માજીના પાંચ મુખમાંથી જે મુખ દ્વારા તે ખોટું બોલ્યા હતા. તેનું માથું ધડથી અલગ કરી નાંખ્યું. આ ઉપરાંત તેમણે કેતકીના ફૂલોનો ત્યાગ કરી દીધો. તેમની પૂજામાં કેતકીના ફૂલથી નહિં થાય. જો કોઈ કરશે તો તેને દોષ લાગશે… તેમ કહ્યું.

શિવ પૂજામાં માત્રઆ ફૂલ જ નહિં આ અન્ય 5 ચીજોનો પણ છે નિષેધ


મહાશિવરાત્રિના દિવસે શિવની પૂજામાં માત્ર કેતકીના ફૂલનો જ નિષેધ નથી. પણ તે સિવાય કાળા વસ્ત્રો, તુલસી, તલ, નારિયેળનું પાણી, શંખ જેવી વસ્તુઓનો ઉપયોગ પણ વર્જ્ય છે. તેથી કરવો નહિં. જો આમ કરવામાં આવે તો દોષ લાગે છે તે કાળક્રમે ભોગવવું પડે છે.